Hvernig pantar maður flísar rétt?
Það getur verið freistandi að panta flísar nákvæmlega eftir fermetrafjölda rýmisins, en í raun eru það ein algengustu mistökin sem fólk gerir. Rétt pöntun á flísum snýst ekki bara um stærð rýmisins heldur einnig um skurð, legumynstur og eðlilega afföll.

Þegar flísar eru lagðar þarf nánast alltaf að skera þær til við veggi, horn, hurðir og aðra kanta. Þessi skurður veldur því að hluti flísanna nýtist ekki að fullu og því þarf að reikna með ákveðnu affalli. Almennt er mælt með að bæta við um 10–15% umfram mældan fermetrafjölda, en raunveruleg nýting fer alltaf eftir stærð flísanna og lögun rýmisins. Í sumum tilfellum getur afskurður orðið um 20% eða jafnvel meira, sérstaklega ef rýmið er óreglulegt eða erfitt í lagningu og flísarnar stærri en 60×60 cm.

Vert að hafa í huga að uppgefin stærð flísa eru ekki alltaf nákvæmlega eins í reynd. Til dæmis er flís sem er sögð 60×60 cm, oft í raun eitthverstaðar á bilinu um 59–61 cm. Þá er heldur ekki sjálfgefið að 60×60 cm flís frá einum framleiðanda sé nákvæmlega sama stærð og frá öðrum. Þetta skiptir einungis máli ef blanda á flísum frá mismunandi framleiðendum og ætlunin er að fúgubil á gólfi haldist í samræmi við fúgubil á vegg, þar sem slíkt krefst þess að flísarnar séu í raun sömu stærðar.

Einnig er mikilvægt að hafa í huga að flísar eru framleiddar í mismunandi framleiðslulotum og þar getur verið örlítið litamunur á milli þeirra. Þess vegna er alltaf ráðlegt að panta allt magn í einu. Því ef nauðsynlegt er bæta við meira magni síðar, er ekki hægt að tryggja að sama lota sé fáanleg, sem getur í sumum tilfellum valdið sýnilegum litamun og jafnvel stærðarmunur.

Góð regla er einnig að geyma nokkrar flísar til vara eftir að verki lýkur. Ef flís brotnar eða skemmist eftir lögn er nefnilega mun einfaldara að skipta henni út ef til er afgangur frá sömu framleiðslulotu, þar sem litur og áferð haldast þá í samræmi við það sem er á gólfinu.

Eitt sem vert er að hafa í huga er að lagervöru er almennt hægt að skila, og því er ráðlagt að taka örlítið ríflega til að tryggja að nægilegt magn sé til staðar. Hins vegar, þegar um sérpöntuð efni er að ræða, er ekki hægt að skila afgöngun. Í slíkum tilfellum er því enn mikilvægara að reikna magn og afföll nákvæmt.

Þess vegna borgar sig fá ráðgjöf áður en pantað er, sérstaklega þegar um stærri verkefni er að ræða. Rétt magn frá byrjun sparar bæði tíma, kostnað og óþarfa fyrirhöfn síðar meir.

Ertu í vafa með magn eða val á flísum?
Komdu með teikningar eða mál af rýminu til okkar á Suðurlandsbraut 20 og við hjálpum þér að reikna rétt magn og finna lausn sem hentar þínu rými og þínum stíl.

Hlýja, áferð og náttúra – hvað einkennir parket árið 2026?

Parket er orðið lykilþáttur í hönnun rýmisins, hér förum við yfir það sem mótar val á parketi í dag. 

Gólfefni hafa á undanförnum árum þróast úr því að vera einfaldur grunnur í rým, yfir í að vera veigamikill þáttur í heildarhönnun. Val á gólfefni hefur mikil áhrif á birtu, hlýleika og heildarupplifun rýmisins og því skipta efnisval, áferð og litir meira máli en áður.

Ljósir og hlýir tónar í forgrunni

Áherslan hefur á undanförnum árum færst frá köldum gráum litum yfir í hlýrri og náttúrulegri liti. Í dag eru það ljósir eikartónar, ljósir hlýir tónar og mildir jarðtónar sem móta heildarútlitið og skapa hlýlegra, mýkra og meira aðlaðandi rými.

Ljósir og náttúrulegir tónar hafa fest sig í sessi sem traust og tímalaus lausn. Þeir endurkasta ljósi vel, gera rými bjartara og skapa rólega og hlýlega stemningu. Þessi litapalletta fellur sérstaklega vel að skandinavískri hönnun þar sem áhersla er lögð á einfaldleika, birtu og náttúruleg efni.

Dæmi um þetta má sjá í parketi eins og Trondheim Romantic Natural Oak frá Pergo (mynd) eða létthvíttuðu viðarparketi á borð við Eik Rustic Cashmere.Þar sem lögð er áhersla á náttúrulega áferð og fíngerð litbrigði sem gefa rýminu dýpt og karakter. (mynd)

Þessi þróun endurspeglar einnig breytta nálgun í hönnun þar sem markmiðið er ekki eingöngu að velja fallegt gólfefni heldur að skapa heildstæða upplifun þar sem efni, litir og áferð vinna saman að notalegu og vönduðu rými.

Stærðir og hlutföll skipta meira máli

Stærri plankar hafa orðið sífellt algengari, ekki eingöngu vegna útlits heldur einnig vegna þess hvernig þeir hafa áhrif á rýmið. Færri samskeyti skapa rólegra sjónrænt flæði og geta látið rými virka stærra og samfelldara.

Þessi nálgun á einnig við um vínilparket, til dæmis í lausnum á borð við Almond IC55, þar sem áhersla er lögð á samfellda ásýnd og náttúrulegt útlit. (mynd)

Áferð og yfirborð skipta sköpum

Yfirborðsmeðferð gólfefna hefur þróast mikið og í dag er meiri áhersla lögð á mattar og náttúrulegar áferðir. Slíkar áferðir líkjast betur raunverulegum við og hafa jafnframt þann kost að fela betur daglegt slit og notkun.

Áferð er því ekki lengur eingöngu sjónrænn þáttur heldur einnig hagnýtur, þar sem hann hefur bein áhrif á hvernig gólfið eldist og hvernig það upplifist í daglegri notkun.

Vínilparket sem raunhæfur kostur

Tækniframfarir hafa gert það að verkum að vínilparket er orðið mjög raunverulegt í útliti og áferð. Fyrir marga er það áhugaverður kostur þar sem það sameinar útlit viðar með vatnsheldu yfirborði og miklum slitstyrk, sem gerir það sérstaklega hentugt í rými þar sem gerðar eru kröfur um endingu og lítið viðhald.

Þróunin í parketi snýst síður um skammtímatísku og frekar um vandað efnisval sem endist vel yfir tíma. Ljósir og hlýir tónar, náttúruleg áferð og efni sem standast daglega notkun eru það sem helst einkennir val á gólfi í dag.

Fyrir þá sem vilja kafa dýpra í val á parketi getur verið gagnlegt að skoða bæði efnisgerð, áferð og hvernig gólfið vinnur með rýminu í heild.

Ertu í vafa með val á parketi?
Komdu með teikningar eða mál af rýminu til okkar í sýningarsalinn og við hjálpum þér að finna lausn sem hentar þínu rými og þínum stíl.