Fremstir í gólfefnum í yfir 90 ár
Egill Árnason ehf hefur verið leiðandi fyrirtæki þegar kemur að gólfefnum í tæpa öld. Allan þennan tíma hefur verið byggt á fremst framleiðendum heims frá Ítalíu, Spáni, Danmörku, Þýskalandi og víðar en eins og allir vita eru þessar þjóðir leiðandi í framleiðslu á parketi og flísum. Egill Árnason hefur undanfarin ár tekið forustu á gólfefnamarkaði með breiðu úrvali af harðparketi í yfir 80 tegundum, viðar plankaparketi og vínilparketi í framúrskarandi gæðum. Það er margt sem þarf að hafa í huga við val á gólfefnum og því er 600 fermetra sýningarsalur okkar á Suðurlandsbraut 20 kjörinn staður til að setjast niður og velja þær prufur sem teknar eru með heim. Að auki er starfrækt fullkomin vefverslun þar sem viðskiptavinir geta séð allt vöruúrval, verð og lagerstöðu hverju sinni. Ef svo ólíklega vill til að ekki finnist gólf við hæfi má auðvitað breikka úrvalið með þúsundum tegunda sem hægt er að sérpanta.
Gömul auglýsing frá Agli Árnasyni
parket hefur verið hluti af sögu fyrirtækisins í
áratugi.
Viðskiptavinir sem eru ekki með fastmótaðar hugmyndir um það sem óskað er eftir geta nýtt sér reynslumikla sérfræðinga í verslun eða á netinu, hvort sem um er að ræða ráðgjöf varðandi gólfið sjálft, viðhald eða lagningu.
Viðskiptavinir bestu sölumennirnir
Með því að bjóða eingöngu vörur sem henta íslenska markaðnum hefur tekist að byggja upp tryggan hóp viðskiptavina sem vita að þeir geta gengið að öllum vörum sem tengjast parketi og flísum á einum stað. Ekki er svo verra að vita að í hverri viku versla tugir iðnaðarmanna parketlökk, parketlím, olíur og parket, enda oft verið sagt að fagmennirnir versli bara þar sem verð og gæði fara saman.
Til þess að halda stöðu okkar sem brautryðjendur á þessu sviði höfum við kynnt fjölmargar nýjungar í þjónustu okkar undanfarin ár og við höldum því áfram.
OKKAR MARKMIÐ
Egill Árnason ehf. leggur áherslu á að veita viðskiptavinum vandaða þjónustu byggða á áratuga reynslu og mikilli þekkingu starfsfólksins.
Við bjóðum fjölbreytt úrval af hágæða vörum til notkunar innanhúss frá virtustu framleiðendum heims, framúrskarandi þjónustu við arkitekta, verktaka, einstaklinga og alla þá sem eru að velta fyrir sér lausnum í innanhúss lausnum á gólf, veggi og í loft.
Í sýningarsal okkar á Suðurlandsbraut 20 getur þú skoðað breitt úrval af parketi, flísum, hurðum og fylgihlutum sem henta fyrir heimili og vinnustaði.
Við tökum vel á móti þér og erum tilbúin til að aðstoða við að finna lausnir sem henta þínum þörfum. Verið hjartanlega velkomin.
Þjónusta hefur í fjölmörg ár verið eitt af aðalsmerkjum Egils Árnasonar. Það er okkar trú að þjónustan skilji á milli í samkeppni, það er þess vegna sem við leggjum allt okkar í að veita þér framúrskarandi þjónustu.
Af fjölmörgum þjónustuþáttum má nefna
- Útkallsþjónusta fyrir stóra viðskiptavini, verktaka og arkitekta.
- Stór lager með miklu úrvali.
- Tilboðsútreikningar og ráðgjöf um nýtingu efnis.
- Heilir pakkar lánaðir heim til þess að gefa betri mynd af gólfefninu.
- Tökum til baka það efni sem að er ósagað og endurgreiðum.
- Sérpöntunarþjónusta.
- Neyðarsími allan sólarhringinn.
- Og margt fleira.
- Heimkeyrsla á vörum gegn vægu gjaldi.
Starfsfólk
Sölumenn
Anton Helgi Steinarsson
Rekstrarstjóriahs@egillarnason.is 595-0504 822-5385
Halldór Kjartan Þorsteinsson
Sölustjóri verkefnasviðshkt@egillarnason.is595-0503895-9882
Ólafur Þór Ólafsson
Sala og Íþróttagólfolafur@egillarnason.is595-0506867-8024Skrifstofa
Vöruhús
Baldvin Jóhannesson
Lagerstjórilager@egillarnason.is
Gunnar Fannberg Gunnarsson
Bílstjóri/Lagerlager@egillarnason.is
Hermann Ingi Guðbrandsson
Bílstjóri/LagerSagan
Egill Árnason
var einn af framsæknustu athafnamönnunum hér á landi um miðbik síðustu aldar. Eftir að hafa stundað ýmis viðskipti á fjórða áratugnum hóf hann innflutning á gegnheilu parketi frá Junckers í Danmörku. Í beinu framhaldi var verslunarfyrirtækið Egill Árnason opinberlega stofnað þann 2. september árið 1934. Reksturinn fór upphaflega fram í heimahúsi stofnandans en fluttist þó fljótlega yfir í Hafnarhúsið við Tryggvagötu. Á löngum ferli hefur starfsemin haft aðsetur á ýmsum stöðum í borginni og má þar nefna Klapparstíg 46, hús Slippfélagsins og Skeifuna 3.
Fyrirtækið varð strax frá stofnsetningu frumkvöðull á sviði almennrar lagerverslunar hér á landi en fram að þeim tíma höfðu einungis tíðkast sérpantanir erlendis frá. Samhliða parketinu var einnig flutt inn töluvert af þakjárni, kambstáli, girðingarefni sem og öðrum járn- og stálvörum. Þrátt fyrir mikið vöruúrval varð þróunin á þann veg að fyrirtækið tók að sérhæfa sig í innflutningi og sölu á vönduðum viðarvörum víðs vegar að úr heiminum. Árið 1954 setti Egill Árnason, fyrstur allra, á markað samlímt og krosslímt parket.
Egill Árnason ehf hafur tekið þátt í mörgum af mikilvægustu byggingum landsins og má þar nefna, Perluna í Öskjuhlíð, gólfefni í Seðlabanka Íslands, Grósku hugmyndahús, Apótek veitingahús, höfuðstöðvar KGMB Borgartúni, Íslenska erfaðgreiningu, höfuðstöðvar Price Waterhouse Coopers og svo mætti lengi telja. Til viðbótar má nefna að Egill Árnason klæðir einnig fjölmörg íþróttagólf á landinu.
Árið 2009 keyptu feðgarnir Einar Gottskálksson og Ásgeir Einarsson félagið og hafa rekið það síðan á Suðurlandsbraut 20
Egill Árnason ehf gerir sér far um að eiga gott og náið samstarf við arkitekta og stærstu byggingaverktaka landsins með parket, hurðir og flísar. Reynt er að uppfylla allar þeirra kröfur með greinargóðri upplýsingaráðgjöf og aðstoð við efnisval.
Íslendingar gera miklar kröfur til híbýla sinna og því hefur Egill Árnason ehf ávallt lagt kapp á að vera með vandaða vöru og bestu fáanlegu merkin í hverjum vöruflokki fyrir sig. Auk þess er sérstaklega mikið lagt upp úr hagstæðu verði og þjónustulund og segir tryggð dyggra viðskiptavina til margra ára meira en mörg orð um slíkt.
