Það getur verið freistandi að panta flísar nákvæmlega eftir fermetrafjölda rýmisins, en í raun eru það ein algengasta mistökin sem fólk gerir. Rétt pöntun á flísum snýst ekki bara um stærð rýmisins heldur einnig um skurð, legumynstur og eðlilega afföll.

Þegar flísar eru lagðar þarf nánast alltaf að skera þær til, sérstaklega við veggi, horn, hurðir og aðra kanta. Þessi skurður veldur því að hluti flísanna nýtist ekki að fullu og því þarf að reikna með ákveðnu affalli. Almennt er mælt með að bæta við um 10–20% umfram mældan fermetrafjölda, en raunveruleg nýting fer alltaf eftir stærð flísanna og lögun rýmisins. Í sumum tilfellum getur afskurður orðið meiri en 20%, ef rýmið er óreglulegt eða erfitt í lagningu.

Einnig er mikilvægt að hafa í huga að flísar eru framleiddar í mismunandi framleiðslulotum (batch), þar sem getur verið litamunur eða stærðarmunur á milli. Þess vegna er alltaf ráðlegt að panta allt magn í einu. Ef þarf að bæta við síðar er ekki tryggt að sama lota sé fáanleg, sem getur valdið sýnilegum stærðar- eða litamun.

Góð regla er einnig að geyma nokkrar flísar til vara eftir að verki lýkur. Ef flís brotnar eða skemmist síðar er mun einfaldara að skipta henni út ef til eru eins flísar úr sömu lotu.

Að lokum skiptir máli að fá ráðgjöf áður en pantað er, sérstaklega þegar um stærri verkefni er að ræða. Rétt magn frá byrjun sparar bæði tíma, kostnað og óþarfa fyrirhöfn síðar meir.

Ertu í vafa með magn eða val á flísum?

Komdu með teikningar eða mál af rýminu til okkar í sýningarsalinn og við hjálpum þér að reikna rétt magn og finna lausn sem hentar þínu rými og þínum stíl.